Ապրիլի 16-ին Ստեփանակերտի մշակույթի և երիտասարդության պալատի մեծ դահլիճում կայացավ Արցախի Ժողովրդավարական կուսակցության կանանց խորհրդին կից «Արցախյան տատիկներ» ակումբի գրական-գեղարվեստական թատերականացված միջոցառումը:
Բեմում Արցախի ազգային տարազով հանդես եկան տարբեր մասնագիտությունների տեր երեք սերնդի ներկայացուցիչներ՝ այաներ, տատիկներ ու հարսեր:
Ծրագիրը համեմված էր զուտ Արցախի բարբառով ստեղծագործություններով՝ ազգագրական, ժողովրդական երգերով ու խաղիկներով:
Ելույթը ջերմությամբ ընդունվեց հանդիսատեսի կողմից և արժանացավ բուռն ծափահարությունների: