Նոյեմբեր 14-ին ԱրՊՀ –ում, Արցախի Ժողովրդավարական կուսակցության կանանց խորհրդի նախաձեռնությամբ կազմակերպվեց միջոցառում Ստեփանակերտի «Մոր և մանկան առողջության պահպանման կենտրոն»-ի մանկաբարձ- գինեկոլոգ Անահիտ Մաղաքելյանի և ուսանողուհիների հետ:
Միջոցառմանը ներկա էին ԱրՊՀ ռեկտոր, ԱԺԿ կենտրոնական խորհրդի նախագահի տեղակալ Մանուշ Մինասյանը, ԱԺԿ կանանց խորհրդի նախագահ Սուսաննա Ավշառյանը, ԱԺԿ կենտրոնական գրասենյակի ղեկավարի տեղակալ Ռայա Նազարյանը, ինչպես նաև դասախոսներ և ԱԺԿ այլ անդամներ:
Բացման խոսքով հանդես եկավ տիկին Ավշառյանը` մեջբերելով Գարեգին Նժդեհի հետևյալ խոսքերը. «Ազգի ապագան մոր ափերի մեջ է…» ,- և իր հերթին կարևորեց, որ ապագա սերունդը պետք է առողջ լինի:
Միջոցառման նպատակը ապագա առողջ մայրեր ունենալու գաղափարն է, իսկ ապագա մայրերը այսօրվա մեր աղջիկներն են:
Դասախոսությունն ընթացավ շատ ակտիվ, քանի որ ուսանողները համարձակ ու հետաքրքիր հարց ու պատասխան էին կազմակերպել:
«Մարդու մեջ ամեն ինչ պետք է հաճելի լինի` թեˊ հոգին ու մարմինը, և թեˊ մտքերն ու արտաքինը»,-կարևորեց բժշկուհին, ավելացնելով, որ արդի կինը պետք է համապատասխանի այդ չափանիշներին:
Նման ձևաչափով հանդիպումները միշտ էլ ողջունելի են և կարևոր:
