Մայիսի 20-ին Արցախի Ժողովրդավարական կուսակցության կանանց խորհուրդը կազմակերպեց ասմունքի մրցույթ՝ նվիրված Շուշիի ազատագրման 25-ամյակին և Մայիսյան տոներին: Այն անցկացվեց ք. Շուշիի Խ. Աբովյանի անվան միջնակարգ հոսքային դպրոցում: Մրցույթին մասնակցեցին 23 երեխա՝ Խ.Աբովյանի անվան միջնակարգ հոսքային դպրոցից, Ա. Խաչատրյանի անվան հումանիտար քոլեջից, ՇՏՀ-ից և Դ.Ղազարյանի անվան միջնակարգ երաժշտական մասնագիտական դպրոցից: Յուրաքանչյուր մասնակից յուրովի զարմացրեց ժյուրիի անդամներին:
11-13 տարիքային խմբում առաջին մրցանակային տեղը զբաղեցրեց Լիա Մանասյանը, երկրորդ տեղը՝ Մարիամ Ալեքսանյանը, երրորդ տեղը՝ Արշակ Նարիմանյանը:
14-16 տարիքային խմբում առաջին մրցանակային տեղը զբաղեցրեց Ֆլորա Համբարձումյանը, երկրորդ տեղը՝ Լինա Միրզոյանը, երրորդ տեղը՝ Անուշ Պետրոսյանը:
Բոլոր մասնակիցները ստացան պատվոգրեր, իսկ մրցանակային տեղեր զբաղեցրած երեխաներին նաև դրամական պարգև շնորհվեց:
