Մայիսյան եռատոնը նշվեց աշխարհի բոլոր մասերում, որտեղ հայի շունչ կա: Մայիսի 9-ին Արցախի Ժողովրդավարական կուսակցության նախաձեռնությամբ այն նշվեց նաև Արցախի Հանրապետության Հադրութի շրջանի Տումի գյուղում: ԱԺԿ մի խումբ ակտիվիստներ տեղի բնակիչների հետ քայլերթ կազմակերպեցին դեպի զոհված ազատամարտիկների հուշահամալիր, այնուհետև հարգանքի տուրք մատուցեցին և ծաղիկներ դրեցին նրանց շիրիմներին: Տումիի Ս.Աբրահամյանի անվան միջնակարգ դպրոցի աշակերտները Մշակույթի տան սաների հետ համատեղ համերգ կազմակերպեցին ` նվիրված Մայիսյան եռատոնին: Համերգի մասնակիցները ակտիվ մասնակցության համար պատվոգրերի և նվերների արժանացան: Միջոցառմանը ներկա էին ինչպես տեղի բնակիչներ, այնպես էլ` հյուրեր Ստեփանակերտից և արտասահմանից:
Արցախի Ժողովրդավարական Կուսակցություն