2017թ. հունվարի 20-ին Արցախի Ժողովրդավարական կուսակցության կենտրոնական գրասենյակում տեղի ունեցավ ԱԺԿ Կենտրոնական խորհրդի նիստը:
Աշոտ Ղուլյանը ողջունեց ներկաներին և շնորհավորեց անցած տոների կապակցությամբ, ավելացնելով, որ ակնկալիքներ ունի կապված նոր գրասենյակի հարմարավետության հետ, որը կնպաստի կուսակցության առավել ակտիվ և արդյունավետ գործունեությանը:
Օրակարգը հաստատելուց հետո սկսվեցին քննարկումները: Ամփոփվեց Արցախի Ժողովրդավարական կուսակցության կենտրոնական խորհրդի 2016թ. գործունեութունը: Աշոտ Ղուլյանը հակիրճ ներկայացրեց 2016թ. կուսակցության կատարած աշխատանքները, ուշադրություն դարձրեց բացթողումների և խնդիրների վրա, ընդգծեց կուսակցության կանանց խորհրդի և երիտասարդական թևի ակտիվ գործունեությունը:
Օրակարգում դրված էր նաև Արցախի Հանրապետության նոր Սահմանադրության նախագծի վերաբերյալ ԱԺԿ դիրքորոշումը, ըստ որի, Արցախի Ժողովրդավարական կուսակցությունը իր հավանությունն է տալիս նոր Սահմանադրությանը և ակտիվ մասնակցություն է նախատեսում քարոզարշավի ընթացքում: Աշոտ Ղուլյանն առանձնացրել է մի շարք կարևոր հարցեր՝ Սահմանադրական բարեփոխումների հետ կապված: Նախագծի քննարկման ժամանակ տեղի ունեցավ ակտիվ հարց ու պատասխան:
Նիստի ընթացքում մասնակցիները ծանոթացան Արցախի Ժողովրդավարական կուսակցության կենտրոնական խորհրդի 2017թ. գործունեության աշխատանքային ծրագրին, քննարկեցին և հաստատեցին այն:
Քննարկումները շարունակվեցին ավելի անմիջական մթնոլորտում, մաղթեցին միմյանց ստեղծագործ աշխատանք և հաջողություններ 2017 թ.-ում:
