Արցախի ժողովրդավարական կուսակցության երիտասարդական կառույցի ներկայացուցիչներն օրերս այցելեցին ազատամարտիկներ Ալվարո Շեկյանին, Վանիկ Մեհրաբյանին և Թելման Հարությունյանին:
Երիտասարդների այցն անսպասելի ու հաճելի էր: Ջերմ մթնոլորտում ազատամարտիկները հուզված, միաժամանակ մեծ հպարտությամբ պատմեցին իրենց անցած դժվարին ու հաղթական ուղու մասին:
Պատերազմի դժվարություններն ու դրա հետևանքով ստացած հաշմանդամությունը չեն կոտրել նրանց կամքն ու եռանդը. նրանք շարունակում են մնալ մեր շարքերում և իրենց անձնական օրինակով դաստիարակում են ու արիության դասեր տալիս երիտասարդներին: