Արցախի ժողովրդավարական կուսակցության Կանանց խորհրդի նախաձեռնությամբ փետրվարի 20-ին ԼՂՀ պաշտպանության զորամասերից մեկում կազմակերպվել էր«Ի՞նչ, Ե՞րբ,Որտե՞ղ»
ինտելեկտուալ խաղ՝ նվիրված արցախահայության Վերածննդի օրվան:
Խաղը բաղկացած էր 3 փուլերից, որի ընթացքում հնչեցին տարբեր բնույթի հարցեր: Հաղթող ճանաչվեց «ՈՒրարտու» թիմը: Մասնակիցները պարգևատրվեցին պատվոգրերով, յուրաքանչյուր թիմ ստացավ գրքեր:
Հետաքրքիր ու ոգևորիչ խաղից հետո ՊԲ զորամաս այցելած ԱԺԿ խումբը ծանոթացավ զորամասին, զինվորների նիստուկացին: Անկեղծ ու անմիջական զրույցի ընթացքում մտքեր փոխանակվեցին Փետրվարի 20-ի խորհրդի, արցախահայության պայքարի նշանակության և զինվորականների՝ հայրենիքի սահմաններն անառիկ պահելու կարևոր առաքելության վերաբերյալ:
Հանդիպման ավարտին զինվորները հանդես եկան երգ ու պարով: