Ապրիլի 4-ին Արցախի Ժողովրդավարական կուսակցության կանանց խորհուրդը` նախագահ Սուսաննա Ավշառյանի գլխավորությամբ մի խումբ ԱԺԿ-ականների հետ այցելեցին Քաշաթաղի շրջան` տեղի կանանց հետ հանդիպում անց կացնելու համար: Նպատակը Քաշաթաղի շրջանի կանանց խնդիրներին, նրանց հուզող հարցերին, նիստ ու կացին ծանոթանալու և հնարավորության սահմաններում լուծում տալն էր:
ԱԺԿ կանանց խորհրդի նախագահը ներկայացրեց կուսակցությանը կից կանանց խորհրդի գործունեության, նրանց առաջիկա ծրագրերի մասին, ինչպես նաև առաջարկեց նմանօրինակ խորհուրդ ստեղծել շրջանում:
Ներկաները սիրով ընդունեցին առաջարկությունը: Կազմավորվեց ԱԺԿ Քաշաթաղի շրջանի կանանց խորհուրդ, որի նախագահ ընտրվեց Անահիտ Քոսակյանը: Կուսակցության մի շարք ակտիվիստներ շնորհակալագրեր ստացան ակտիվ գործունեության համար:
Այնուհետև ներկաները հանդես եկան մտքերի փոխանակությամբ և մի շարք առաջարկություններ հնչեցին կուսակցության հետագա գործունեության բարելավման ուղղությամբ:
Նման հանդիպումներ նախատեսվում է անցկացնել Արցախի ԱԺԿ շրջանային մյուս կառույցներում:
