Մարտի 1-ին Արցախի Ժողովրդավարական կուսակցության Ստեփանակերտի քաղաքային խորհրդի նախաձեռնությամբ կազմակերպվեց այց Ք. Իվանյանի անվան ռազմամարզական վարժարան` համերգային ծրագրով:
Միջոցառմանը ներկա էին Ղարաբաղյան շարժման ակտիվիստներ Մաքսիմ Միրզոյանը, ԱՀ ԱԺ պատգամավոր, «Ժողովրդավարություն» խմբակցության ղեկավար Վարդգես Բաղրյանը, Կրթության, գիտության և սպորտի նախարարության արտադասարանական աշխատանքների գծով բաժնի վարիչ Ժաննա Այվազյանը, կանանց խորհրդի ու ԱԺԿ անդամներ: Միջոցառումը նվիրված էր Ղարաբաղյան շարժման 30-ամյակին, որի կապակցությամբ շարժման ակտիվիստները թեմատիկ զրույց վարեցին վարժարանի սաների հետ:
Իրենց հիանալի երգերով, պարերով ու վոկալով միջոցառումը գեղեցկացրին Ստեփանակերտի մանկապատանեկան ստեղծագործական կենտրոնի սաները ` գարնանային շունչ պարգևելով ներկաներին: