Փետրվարի 25-ին Արցախի Ժողովրդավարական կուսակցության կենտրոնական գրասենյակում տեղի ունեցավ կուսակցության քաղաքային խորհրդի կողմից կազմակերպված «Հեքիաթի ժամ» միջոցառման ամփոփումը:
Միջոցառումը նվիրված էր մեծն Հովհաննես Թումանյանի ծննդյան 150-ամյակին, որին մասնակցում էին ԱրՊՀ մի խումբ ուսանողներ: Ներկա էին նաև ԱՀ ԱԺ պատգամավորներ Լյուդմիլա Բարսեղյանը, Գեղամ Ստեփանյանը, ԱԺԿ կանանց խորհրդի նախագահ Սուսաննա Ավշառյանը, գրասենյակի անձնակազմը:
Նախօրոք ուսանողները կցված էին քաղաքում գործող բոլոր մանկապարտեզներին: Յուրաքանչյուր ուսանող շաբաթը երկու անգամ հանդիպել է մանկապարտեզների սաների հետ, նրանց պատմել Հ. Թումանյանի հեքիաթներից, զրուցել, սաներին մասնակից արել զրույցին:
Միջոցառմանն ակտիվ մասնակցուցության համար ուսանողները կուսակցության կողմից պարգևատրվեցին պատվոգրերով:
